ചെന്നിത്തല ചെല്ലപ്പന് പിള്ളയുടെ ഒന്നാം അനുസ്മരണം 1999 ഒക്ടോബര് 31- ഞായറാഴ്ച വൈകിട്ട് മൂന്നു മണിക്ക് ചെന്നിത്തല മഹാത്മാ ഗേള്സ് ഹൈസ്കൂള് ആഡിറ്റോറിയത്തില് നടന്നു.
ചെന്നിത്തല ചെല്ലപ്പന് പിള്ള സ്മാരക കലാ സാംസ്കാരിക സമിതിയുടെ ഔപചാരിക ഉല്ഘാടനം ബഹുമാനപ്പെട്ട എം.എല്.എ. ശ്രീ. എം. മുരളി വൈകിട്ട് ഏഴു മണിക്ക് ഭദ്രദീപം കൊളുത്തി നിര്വ്വഹിച്ചു. ഈശ്വര പ്രാര്ത്ഥനക്ക് ശേഷം ശ്രീ. വി.കെ. രാജപ്പന് നായര് (സമിതി പ്രസിഡന്റ്) അവര്കളുടെ അദ്ധ്യക്ഷതയില് യോഗം ആരംഭിച്ചു. കെ. രഘുനാഥ് ( സമിതി സെക്രട്ടറി) സ്വാഗതം പറഞ്ഞു. സമ്മേളനം ഉല്ഘാടനം ചെയ്തത് ബഹുമാനപ്പെട്ട എം. പി. ശ്രീ. രമേശ്, ചെന്നിത്തലയാണ്.
ശ്രീ. എം. മുരളി(MLA), ശ്രീ. മങ്കൊമ്പ് ശിവശങ്കരപ്പിള്ള (കഥകളി ആചാര്യന്), ശ്രീ.രാജന് മൂലവീട്ടില് (ബി.ജെ.പി. ജില്ലാ പ്രസിഡന്റ്), ശ്രീ. ശിവന് ആചാരി (CPI.M LC സെക്രട്ടറി), വേണാട്ടു ആര്. ചന്ദ്രശേഖരന് നായര് (ചെന്നിത്തല തുപ്പെരുംതുറ ഗ്രാമ പഞ്ചായത്ത് പ്രസിഡന്റ് ), ശ്രീ. ചുനക്കര ജനാര്ദ്ദനന് നായര്, ശ്രീ. മാത്തൂര് ഗോവിന്ദന് കുട്ടി (കഥകളി നടന് ), ശ്രീ. RRC. വര്മ്മ (കഥകളി ആസ്വാദക സംഘം, മാവേലിക്കര) എന്നിവര് ശ്രദ്ധാഞ്ജലി അര്പ്പിച്ചു.
കൃത്യം ഏഴു മണിക്ക് കര്ണ്ണശപഥം കഥകളി ആരംഭിച്ചു. ദുര്യോധനനായി ശ്രീ. തലവടി അരവിന്ദനും, ഭാനുമതിയായി ശ്രീ. കലാമണ്ഡലം കൃഷ്ണപ്രസാദും ദുശ്സാസനനായി ശ്രീ. തിരുവല്ല ബാബുവും കര്ണ്ണനായി ശ്രീ. തോന്നക്കല് പീതാംബരനും കുന്തിയായി ശ്രീ. മാത്തൂര് ഗോവിന്ദന് കുട്ടിയും രംഗത്തെത്തി.
ശ്രീ. കലാമണ്ഡലം സുരേന്ദ്രന് സംഗീതവും ശ്രീ. വാരണാസി സഹോദരന്മാര് മേളവും കൈകാര്യം ചെയ്തു. തിരുവല്ല ശ്രീവല്ലഭ വിലാസം കഥകളിയോഗം വക കോപ്പുകള് ആണ് കഥകളിക്കു ഉപയോഗിച്ചത്.
No comments:
Post a Comment