ശ്രീ. ചെന്നിത്തല ചെല്ലപ്പന് പിള്ളയുടെ ആറാം അനുസ്മരണം 2004 ഒക്ടോബര് 30 ശനിയാഴ്ച വൈകിട്ട് നാലര മണിക്ക് ഈശ്വര പ്രാര്ത്ഥനയോടെ തുടങ്ങി. ശ്രീ. കെ.സദാശിവന് പിള്ള (സമിതി എക്സി. അംഗം) സ്വാഗതം പറഞ്ഞു. ശ്രീ. ജി. ഗംഗാധരന് നായരുടെ അദ്ധ്യക്ഷതയില് കൂടിയ യോഗം ശ്രീമതി. സി. എസ്. സുജാത M.P. ( സമിതിയുടെ മുഖ്യ രക്ഷാധികാരി) ഉല്ഘാടനം ചെയ്തു. കഥകളി ആചാര്യന് ശ്രീ. മങ്കൊമ്പ് ശിവശങ്കരപിള്ള അവര്കളെ ചടങ്ങില് ആദരിച്ചു.
മഹാകവി ശ്രീ. മുതുകുളം ശ്രീധര്, ശ്രീമതി മറിയാമ്മ ജോര്ജ്ജ് (ഗ്രാമ പഞ്ചായത്ത് പ്രസിഡന്റ് ), എം. സുകുമാരന് നായര് (സമിതി വൈസ് പ്രസിഡന്റ് ), ശ്രീ. എം. അയ്യപ്പന് നായര് (സമിതി എക്സി. അംഗം) എന്നിവര് ശ്രദ്ധാഞ്ജലി അര്പ്പിച്ചു. ശ്രീ. വേണാട്ടു എം. ചന്ദ്രശേഖരന് നായര് (സമിതി എക്സി. അംഗം) കൃതജ്ഞത രേഖപ്പെടുത്തി.
തുടര്ന്ന് ഏഴു മണിക്ക് കഥകളി കീചകവധം അവതരിപ്പിച്ചു. ശ്രീ. മടവൂര് വാസുദേവന് നായര് (കീചകന്), ശ്രീ. കലാമണ്ഡലം കൃഷ്ണ പ്രസാദ് (സൈരന്ധ്രി), ശ്രീ. മോഴൂര് രാജേന്ദ്ര ഗോപിനാഥ് (സുദേഷ്ണ), ശ്രീ. തലവടി അരവിന്ദന് (വലലന് ), ശ്രീ. പത്തിയൂര് ശങ്കരന് കുട്ടി, ശ്രീ. കലാമണ്ഡലം സജീവന് (ഗായകര്), ശ്രീ. കലാഭാരതി ഉണ്ണികൃഷ്ണന് (ചെണ്ട ), ശ്രീ. കലാനിലയം വേണുകുട്ടന്, ശ്രീ. കലാമണ്ഡലം അച്ചുത വാര്യര് (മദ്ദളം) എന്നിവര് പങ്കെടുത്തു. ഏവൂര് ദേവീ വിലാസം കഥകളി യോഗത്തിന്റെ ചമയങ്ങളാണ് കളിക്ക് ഉപയോഗിച്ചത്.
No comments:
Post a Comment