ശ്രീ. ചെന്നിത്തല ചെല്ലപ്പന്‍ പിള്ളയുടെ അഞ്ചാം അനുസ്മരണം 2003 നവംബര്‍ എട്ടാം തീയതി വൈകിട്ട് നാലര മണിക്ക് ഈശ്വര പ്രാര്‍ത്ഥനയോടെ മഹാത്മാ ഗേള്‍സ്‌ ഹൈസ്കൂള്‍ ആഡിറ്റോറിയത്തില്‍ തുടങ്ങി. സമിതി ട്രഷറര്‍ ജോസ് പവനത്തില്‍ സ്വാഗതവും , സെക്രട്ടറി. എന്‍. വിശ്വനാഥന്‍ നായര്‍ റിപ്പോര്‍ട്ട് വായിക്കുകയും സമിതി പ്രസിഡന്റ് ശ്രീ. ജി. ഗംഗാധരന്‍ നായരുടെ അദ്ധ്യക്ഷതയില്‍ ബഹുമാനപ്പെട്ട എം. പിയും സമതിയുടെ രക്ഷാധികാരിയും ആയ ശ്രീ.രമേശ്‌, ചെന്നിത്തല അനുസ്മരണ സമ്മേളനം ഉത്ഘാടനം ചെയ്തു.
(ശ്രീ. ഓയൂര്‍ കൊച്ചു ഗോവിന്ദപിള്ള നിലവിളക്ക് കൊളുത്തി സമ്മേളനം ഉത്ഘാടനം ചെയ്യുന്നു )
പ്രസിദ്ധ കഥകളി ആചാര്യന്‍ ശ്രീ. ഓയൂര്‍ കൊച്ചു ഗോവിന്ദപ്പിള്ള അവര്‍കളെ ബഹുമാനപ്പെട്ട ശ്രീ. എം. മുരളി (എം. എല്‍. എ ) പൊന്നാട അണിയിച്ചു ആദരിച്ചു. ശ്രീ. ശ്രീ. ഓയൂര്‍ കൊച്ചു ഗോവിന്ദപ്പിള്ള അവര്‍കള്‍ മറുപടി പ്രസംഗം നടത്തി. അപ്പോള്‍ ചെല്ലപ്പന്‍ പിള്ളയുമായി ഉണ്ടായിട്ടുള്ള അരങ്ങിലെ അനുഭവങ്ങളും കഥകളി അഭ്യാസത്തിനു ശ്രീ. ചെന്നിത്തല കൊച്ചു പിള്ള പണിക്കര്‍ ആശാന്റെ വസതിയിലെ താമസവും അന്നത്തെ ചെല്ലപ്പന്‍ പിള്ളയുടെ കുസൃതിത്തരങ്ങള്‍ നിറഞ്ഞ ജീവിതാനുഭവങ്ങളും പങ്കുവെച്ചു.
പ്രൊഫസര്‍ ശ്രീ. കടമ്മനിട്ട വാസുദേവന്‍ പിള്ള, ശ്രീ. എസ്. ശ്രീനിവാസന്‍. IAS (ലേബര്‍ കമ്മിഷണര്‍) , ശ്രീമതി. മറിയാമ്മ ജോര്‍ജ് (ചെന്നിത്തല തൃപ്പെരുംതുറ ഗ്രാമ പഞ്ചായത്ത് പ്രസിഡന്റ് ) , ഡോ: വി.ആര്‍. കൃഷ്ണന്‍ നായര്‍ (സമതി. എക്സിക്യൂട്ടീവ് അംഗം) , ശ്രീ. ആര്‍. ഗോപാലകൃഷ്ണന്‍ നായര്‍ (സമതി. എക്സിക്യൂട്ടീവ് അംഗം) എന്നിവര്‍ ശ്രദ്ധാഞ്ജലി അര്‍പ്പിച്ചു. സമിതി വൈസ് പ്രസി: ശ്രീ എം. സുകുമാരന്‍ നായര്‍ കൃതജ്ഞത രേഖപ്പെടുത്തി.
ദുര്യോധനനും ദുശാസനനും (ധര്‍മ്മപുത്രര്‍, ദുര്യോധനന്‍, ദുശാസനന്‍, ശകുനി)
ഏഴു മണിക്ക് ദുര്യോധനവധം കഥകളി തുടങ്ങി. ശ്രീ. ഗൌരീശപട്ടം ഗിരീശന്‍ ദുര്യോധനനായും , നാട്യശാല സുരേഷ് ദുശാസനനായും ശ്രീ. മോഴൂര്‍ രാജേന്ദ്ര ഗോപിനാഥ് കൃഷ്ണനായും രംഗത്തെത്തി. പാഞ്ചാലി ആയി ശ്രീ. ഓയൂര്‍ രാമചന്ദ്രനും , ശകുനിയായി ശ്രീ. തട്ടയില്‍ ഉണ്ണികൃഷ്ണനും, ധര്‍മ്മപുത്രര്‍ ആയി ശ്രീ.മധു വാരണാസിയും രൗദ്രഭീമാനായി ശ്രീ. ചെങ്ങാരപ്പള്ളി
അനുജനും രംഗത്തെത്തി കളി വിജയിപ്പിച്ചു.
(രൌദ്രഭീമനും ദുശാസനനും)
ശ്രീ.പത്തിയൂര്‍ ശങ്കരന്‍ കുട്ടിയും ശ്രീ.കലാമണ്ഡലം സജീവനും സംഗീതവും ശ്രീ. കലാമണ്ഡലം ശ്രീകാന്ത് വര്‍മ്മ, ശ്രീ. കലഭാരതി മുരളി എന്നിവര്‍ ചെണ്ടയും , ഏവൂര്‍ മധു മദ്ദളവും കൈകാര്യം ചെയ്തു. ദേവി വിലാസം കഥകളിയോഗം മോഴൂര്‍ അണിയറ ഒരുക്കി.
